တယ်လီနော အမျိုးသမီးဝန်ထမ်းများအတွက် လစာပေးမည့် မီးဖွားခွင့်ရက် (၆) လ ပေါ်လစီ စတင်သတ်မှတ်

စီးပွားရေးလုပ်ငန်းခွင်တွင် အမျိုးသမီးဦးဆောင်မှုများ ပိုမိုတိုးတက် များပြားလာစေရန်နှင့် မတူကွဲပြားမှုများကို အားပေးသည့် ရည်ရွယ်ချက်နှင့်အညီ တယ်လီနော အုပ်စုအနေဖြင့် ၎င်းစီးပွားရေးလုပ်ငန်းရုံးများတည်ရှိရာ ဈေးကွက် ၁၃နေရာတွင် အလုပ်လုပ်နေသော အမျိုးသမီး များအတွက် လစာနှင့်အတူ မီးဖွားခွင့် (၆)လပေးတော့မည်ဖြစ်သည်။ 

အဆိုပါ မူဝါဒသည် အထူးသဖြင့် အာရှဒေသများတွင်ရှိသော တယ်လီနော ရုံးများအတွက် အကျိုးသက်ရောက် စေမည်ဖြစ်သည်။ တယ်လီနောရုံးများ တည်ရှိသည့်ဥရောပနိုင်ငံများတွင် ကျင့်သုံး လျှက်ရှိသော မီးဖွားခွင့်ရက် များသည် ယခု အသစ်စတင်လိုက်သော မူဝါဒနှင့်အတူ ဆက်လက်ဆောင် ရွက်သွားမည်ဖြစ်သည်။ 

ယခုကဲ့သို့ ပေါ်လစီကို အကောင်အထည်ဖော်လိုက်ခြင်းသည် ဆက်သွယ်ရေးကဏ္ဍတွင်အလုပ်လုပ်ကိုင်လျှက် ရှိသော ၀န်ထမ်းများအတွက် လုပ်ငန်းခွင်နှင့် ကိုယ်ပိုင်လူနေမှုဘ၀ကို ညီမျှမှုရှိစေရန် ရှေ့သို့ ခြေတလှမ်း တိုး ဆောင်ရွက်လိုက်သည့် အချက်တစ်ခုဖြစ်သည်။ အာရှဒေသအတွင်းရှိ တယ်လီနောရုံးများတည်ရှိသည့် နိုင်ငံ များ တွင် (ဘင်္ဂလားဒေ့ရ်ှမှလွဲ၍)  အမျိုးသမီးဝန်ထမ်းများသည် သက်ဆိုင်ရာနိုင်ငံအလိုက် ကျင့်သုံးကြသည့် စနစ်များ အရ ခြောက်လနှင့်နည်းပါးသော ကိုယ်ဝန်ဆောင်ခွင့်ကိုသာ ရရှိနေကြသည်။ ထို့အတွက်ကြောင့် အမျိုးသမီးများ အနေဖြင့် ရင်သွေးများရယူလိုပါက လုပ်ငန်းခွင်ကို စွန့်ခွာခြင်းများရှိလာနိုင်ပါသည်။  တယ်လီနောမှ ရုံးတွင်း ကောက်ယူခဲ့သော စစ်တမ်းများအရဆိုလျှင်လည်း အချို့အမျိုးသမီးဝန်ထမ်းများသည် ကိုယ်ဝန်ဆောင်ခွင့်ယူပြီး နောက် လုပ်ငန်းခွင်ထဲသို့ ပြန်မလာနိုင်ခြင်း များ ကြုံတွေ့နေကြရပြီး၊ ထိုသို့ကြုံတွေ့ခြင်းဖြင့် ၎င်းတို့အတွက် ခေါင်းဆောင်မှု အရည်အသွေးများ ဆုံးရှုံးနိုင်သကဲ့သို့ ကုမ္ပဏီအတွက်လည်း  ၀န်ထမ်းဆုံးရှုံးမှုများရှိနိုင်ပါသည်။ 

ယခု မူဝါဒ အသစ်မှာ ဇန်န၀ါရီလ ၁ ရက်နေ့ ၂၀၁၆ မှ စတင်ကာအကျိုးသက်ရောက်မှုရှိမည်ဖြစ်သည်။ 

တယ်လီနောရုံးများတည်ရှိရာနိုင်ငံများတွင် အလုပ်လုပ်ကိုင်နေသူ ပေါင်း ၃၃,၀၀၀ ကျော်ရှိပြီး ၎င်း တို့အနက် ၃၆ ရာခိုင်နူန်းနီးပါး မှာအမျိုးသမီးများဖြစ်ကြသည်။ မြန်မာနိုင်ငံတွင်ရှိသော ၀န်ထမ်းများအနက် မတူညီသော ဌာနနှင့်ရာထူးတိုင်းတွင် တာဝန်ယူနေသော ၀န်ထမ်း ၄၀ ရာခိုင်နူန်းနီးပါးမှာ အမျိုးသမီးများ ဖြစ်သည်။  ယခုကြေငြာချက်မှာ မကြာသေးခင်က တယ်လီနောမြန်မာ မှ နိုင်ငံတွင်း အရည်အသွေးရှိသော ၀န်ထမ်းများကို ပိုမိုဆွဲဆောင်နိုင်ရန် အတွက် စုစုပေါင်းအလုပ်ချိန်ကို မထိခိုက်စေပဲ အလုပ်ဝင်ချိန်နှင့် ဆင်းချိန်ကိုလွှဲပြောင်းကာ စီမံပေးသည့် စနစ် ကို အကောင်အထည်ဖော်လိုက်ပြီးနောက် ထပ်မံထုတ်ပြန်လိုက်သည့် ကြေငြာချက်အသစ် တစ်ခုဖြစ်သည်။ 

“ဒီမူဝါဒ ချမှတ်လိုက်ခြင်းဟာ တယ်လီနောရုံးတည်ရှိတဲ့ဈေးကွက်တွေထဲမှာ တယ်လီနောရဲ့ ပြိုင်ဆိုင်မှုကို ထပ်ပြီး ခိုင်မာလာအောင် ပြုလုပ်လိုက်တာပဲဖြစ်ပါတယ်။  ဒီလိုပြုလုပ်ဖို့အတွက် မတူညီတဲ့နောက်ခံ အတွေ့အကြုံ တွေနဲ့လာတဲ့ အရည်အသွေးမြင့်တဲ့ ၀န်ထမ်းတွေကို ဆွဲဆောင်နိုင်ဖို့လိုပါတယ်။ ဒီလိုလူတွေရဲ့ လုပ်အား တွေကနေ ဆန်းသစ်တီထွင်မှုတွေ၊ ပိုကောင်းတဲ့ လုပ်ဆောင်ချက်တွေရရှိနိုင်တယ်လို့ ကျွန်တော်တို့ ယူဆပါတယ်။ ကျွန်တော်တို့ရဲ့လုပ်ငန်းကနေ ကျွန်တော်တို့နေထိုင်တဲ့ကမ္ဘာကြီးပေါ်ကို ပိုကောင်းမွန်လာမယ့် အကျိုးပြုမှုတွေပေးနိုင်မယ့်ရည်မှန်းချက်နဲ့အတူ၊ ခေါင်းဆောင်မှုပိုင်းမှာ စွမ်းဆောင်ရည်မြင့်မားတဲ့ အမျိုးသမီး တွေပေါ်ထွန်းလာဖို့၊ လက်ရှိလုပ်ငန်းထဲမှာရှိနေတဲ့အမျိုးသမီးတွေကိုလည်း ဆက်လက်ထိန်းသိမ်းထားနိုင်ဖို့  ကျွန်တော်တို့ တယ်လီနောရုံးရှိတဲ့ ဘယ်နိုင်ငံမှာမဆိုဒီမီးဖွားခွင့်ကို လစာနဲ့တကွ အနည်းဆုံး ခြောက်လအထိ ခွင့်ယူနိုင်ဖို့  ဆုံးဖြတ်လိုက်တာဖြစ်ပါတယ်။ ဒီဆုံးဖြတ်ချက်ဟာ  ကိုယ်ဝန်ဆောင်ခွင့် သုံးလ သာပေးတဲ့ ထိုင်း၊ အိန္ဒိယလို နိုင်ငံမျိုးတွေမှာ ကြီးမားတဲ့အပြောင်းအလဲကြီးတစ်ခုဖြစ်လာမယ်လို့ မျှော်လင့်ပါတယ်။  ဒီပြောင်းလဲမှုက စီးပွားရေးရှု့ထောင့်အပြင် လူမှုရေးနယ်ပယ်မှာလည်း အကျိုးသက်ရောက်မှု အများကြီးရှိမယ်လို့ ယုံကြည်ပါတယ်” ဟုတယ်လီနော အုပ်စု၏ အမှုဆောင်အရာရှိချုပ်နှင့် ဥက္ကဌ ဖြစ်သူ Sigve Brekke က ပြောသည်။